ब्रेकिंग

देश

मी थकले आहे, राजाला मार, नाहीतर मी मरेन

Samruddhi Dhayagude
13 Jun 2025

सोनमचा राज कुशवाहला मेसेज

नवी दिल्ली : राजा रघुवंशीच्या हत्येने सर्वांनाच मोठा धक्का बसला आहे. पत्नी सोनमने बॉयफ्रेंड राज कुशवाहच्या मदतीने राजाचा काटा काढला. मधुचंद्राला गेल्यावर तेथेच तिने राजाची हत्या केली. या प्रकरणात रोज नवनवीन खुलासे करण्यात येत आहेत. लग्नानंतरचे विधी पूर्ण होण्यापूर्वीच सोनमने राजाला मारण्याचा निर्णय घेतला. १३ मे रोजी तिने राज कुशवाहला मेसेज केला, की मी थकले आहे, राजाला मार, नाहीतर मी मरेन. राजने यावर मी काहीतरी करतो असा रिप्लाय दिला, तसेच नंतर विशालसोबत कट रचण्यास सुरुवात केली.

बुधवारी रात्री पूर्वी खासी हिल्स पोलिसांनी सोनम, राज, विशाल, आनंद आणि आकाश यांची एकत्र चौकशी केली, त्यावेळी राजने सोनमची गुपिते उघड करण्यास सुरुवात केली. तो म्हणाला, सोनमच्या रागीट स्वभावामुळे कर्मचारी कमी बोलत असत. मी स्वतः सोनमला घाबरत होतो; पण ती माझ्यावर प्रेम करू लागली. सोनमने राजाला मारण्याचा निर्णय घेतला. ११ तारखेला राजाशी लग्न केले, पण तिच्या मनात हत्येचा विचार येत होता. १३ मे रोजी तिने रागाच्या भरात मला हा मेसेज पाठवला.